The SZMC Opens its Doors

*شیخ زید ہسپتال رحیم یارخان میں گردوں کی پتھری کے آپریشن کے لئے جدید طریقہ علاج متعارف*

شیخ زاید ہسپتال، رحیم یار خان میں پہلی بار گردے اور پیشاب کی نالی میں موجود پتھری کے علاج کے لیے جدید ترین تکنیک RIRS (Retrograde Intra-Renal Surgery) کے تحت کامیاب سرجری کی گئی، شیخ زید ہسپتال رحیم یار خان میں منعقدہ ایک خصوصی ورکشاپ کے دوران یہ طریقہ علاج متعارف کرایا گیا، جس میں ہالمیم لیزر کی مدد سے بغیر کسی چیرا لگائے مریض کی پتھری کو توڑا گیا۔ اس جدید طریقہ علاج کے تحت مریض محض 24 گھنٹوں میں صحتیاب ہوکر ہسپتال سے فارغ کر دیئے جاتے ہیں۔
اس موقع پر پرنسپل پروفیسر ڈاکٹر محمد سلیم اور ہیڈ آف یورولوجی ڈیپارٹمنٹ پروفیسر ڈاکٹر سید عاطف حسین نے کہا یہ ایک غیر جراحی طریقہ علاج ہے جس میں جسم کو کاٹنے کے بجائے پیشاب کی نالی (یوریتھرا) کے راستے ایک باریک اور لچکدار ٹیوب (فلیکسیبل سکوپ) کو گردے تک پہنچایا جاتا ہے۔ اس سکوپ کے سرے پر لگا کیمرہ اور لیزر فائبر پتھری کی درست شناخت کرتے ہوئے اسے باریک ٹکڑوں یا پاؤڈر میں تبدیل کر دیتا ہے۔
بعد ازاں پتھری کے ذرات کو اسٹون باسکٹ کے ذریعے باہر نکالا جاتا ہے یا یہ قدرتی طور پر پیشاب کے ذریعے خارج ہو جاتے ہیں۔
یہ جدید تکنیک خاص طور پر ان مریضوں کے لیے مفید ہے:
جو موٹاپے، ذیابیطس، یا خون کے امراض میں مبتلا ہوں
جن پر روایتی علاج (جیسے اوپن سرجری یا ESWL) مؤثر ثابت نہ ہوا ہو
پاکستان میں گردے کی پتھری ایک عام بیماری بنتی جا رہی ہے، جس کی بڑی وجوہات میں کم معیار کا پانی اور غذائی عادات شامل ہیں۔ ماضی میں اس بیماری کے جدید علاج کی سہولت لاہور یا کراچی جیسے بڑے شہروں تک محدود تھی۔ تاہم شیخ زاید ہسپتال رحیم یار خان میں اس ٹیکنالوجی کی دستیابی انشاء اللہ آئندہ چند ماہ میں ممکن ہو جائے گی جس سے مریضوں کو
فوری صحتیابی، ملے گی،اور اس جدید تکنیک سے روایتی سرجری کے مقابلے میں خون بہنے کا خطرہ نہ ہونے کے برابر ہوتا ہے ۔ مریض اگلے دن گھر جا سکیں گے اور 2 سے 3 دن کے اندر اپنی معمول کی زندگی بحال کر سکیں گے ۔اس سہولت علاج سے جنوبی پنجاب کے مریضوں کو خاطر خواہ فائدہ ہو۔گا اور اس سے گردوں کے مریضوں کے لیے صحت کی سہولیات میں مزید بہتری آئے گی۔

Special Secretary South Punjab, Mr. Amanullah, visited Sheikh Zayed Hospital Rahim Yar Khan to inspect the health facilities at SZH RYK.. he visited the out

پرنسپل شیخ زید میڈیکل کالج و ہسپتال پروفیسر ڈاکٹر محمد سلیم لغاری نے میڈیکل سپرنٹنڈنٹ ڈاکٹر فیصل وحید اور دیگر سینئر ڈاکٹرز کے ہمراہ ایمرجنسی ڈیپارٹمنٹ کا تفصیلی دورہ کیا۔دورے کے دوران انہوں نے لیاقت پور بس حادثے میں زخمی ہونے والے مریضوں کی عیادت کی اور ان کے علاج و معالجے کی صورتحال کا جائزہ لیا۔ انہوں نے موقع پر موجود سینئر ڈاکٹروں کو ہدایت کی کہ زخمیوں کے علاج میں کوئی کمی یا کوتاہی برداشت نہیں کی جائے گی، تمام مریضوں کو مکمل طبی سہولیات فراہم کی جائیں، اور تمام ضروری ادویات ایمرجنسی ڈیپارٹمنٹ سے بلا تاخیر مہیا کی جائیں۔ اس موقع پر ڈائریکٹر ایمرجنسی ڈاکٹر فرحانہ خالد نے پرنسپل کو زخمی مریضوں کے علاج و معالجے کے حوالے سے تفصیلی بریفنگ دی اور بتایا کہ تمام زخمی مریضوں کو فوری اور مکمل طبی امداد فراہم کی جا رہی ہے۔سینئر ڈاکٹرز اور ماہر نرسنگ اسٹاف پر مشتمل ٹیمیں مریضوں کی نگہداشت میں مصروف ہیں۔ہر مریض کی کیفیت کو تسلسل کے ساتھ مانیٹر کیا جا رہا ہے۔پروفیسر ڈاکٹر سلیم لغاری نے انتظامات پر اطمینان کا اظہار کرتے ہوئے ڈاکٹرز، نرسز اور پیرا میڈیکل اسٹاف کو ان کی مستعدی پر شاباش دی۔ پرنسپل نے ایمرجنسی وارڈز میں صفائی، نظم و ضبط اور سہولیات کا بھی جائزہ لیا اور متعلقہ عملے کو مزید بہتری کی ہدایت کی۔پروفیسر ڈاکٹر سلیم لغاری نے کہا کہ شیخ زید ہسپتال ہر ہنگامی صورتحال میں عوام کو اعلیٰ معیار کی طبی سہولیات فراہم کرنے کے لیے پرعزم ہے۔ زخمیوں کی بحالی ہماری پہلی ترجیح ہے، اور ہسپتال کا تمام عملہ اس مقصد کے لیے دن رات کوشاں ہے۔
انہوں نے فرداً فرداً زخمیوں کی عیادت کی اوران سے علاج معالجے بارے معلومات حاصل کیں جس پرزخمیوں نے بتایاکہ ان کا پورا پورا خیال رکھا جارہا اورڈاکٹرز، سٹاف نرسز کے تعاون پرہم ہسپتال کی انتظامیہ کے شکر گزار ہیں۔اس موقع پر ایڈیشنل ایم ایس ڈاکٹر عمران بشیر، نرسنگ سپرنٹنڈنٹ شفقت نورین،ڈی ایم ایس ڈاکٹرعاکف راؤف ودیگر ڈاکٹرز موجودتھے۔

Annual Function of H.H Sheikh Khalifa Institute of Allied Health Science