The SZMC Opens its Doors

*شیخ زاید میڈیکل کالج میں ورلڈ اناٹومی ڈے کے موقع پر شاندار ’’اناٹومی ریکگنیشن کانفرنس‘‘ کا انعقاد*

رحیم یار خان، ہفتہ 07 نومبر 2026: شیخ زاید میڈیکل کالج، رحیم یار خان میں ورلڈ اناٹومی ڈے کے حوالے سے ’’اناٹومی ریکگنیشن کانفرنس‘‘ نہایت جوش و خروش، علمی جذبے اور شاندار انداز میں منعقد ہوئی۔ اس پروقار تقریب میں طلبہ کی تخلیقی صلاحیتوں، علمی مہارتوں اور اناٹومی کے مضمون سے گہری وابستگی کو بھرپور انداز میں اجاگر کیا گیا۔

اس کامیاب اور یادگار تقریب کے انعقاد میں پرنسپل شیخ زاید میڈیکل کالج، پروفیسر ڈاکٹر سلیم لغاری کی خصوصی سرپرستی، رہنمائی اور حوصلہ افزائی نے کلیدی کردار ادا کیا۔ انہوں نے اس علمی و تخلیقی سرگرمی کے انعقاد کے لیے بھرپور معاونت فراہم کی۔ اسی طرح شعبۂ اناٹومی کی سربراہ ڈاکٹر سولماز مسعود نے اپنی انتھک محنت، مؤثر منصوبہ بندی اور بہترین انتظامی صلاحیتوں کے ذریعے اس تقریب کو کامیابی سے ہمکنار کرنے میں نمایاں کردار ادا کیا۔

تقریب کی تیاریوں میں فرسٹ ایئر اور سیکنڈ ایئر ایم بی بی ایس کے طلبہ نے کئی روز تک بھرپور محنت کی۔ بالخصوص طالب علم حذیفہ ظفر نے انتظامات اور تیاریوں میں غیر معمولی جوش و جذبے اور محنت کا مظاہرہ کیا۔ طلبہ نے کالج کو نہایت خوبصورتی سے سجایا، جس سے پورے ماحول کو ایک منفرد، دلکش اور علمی رنگ میں ڈھال دیا گیا۔

تقریب کا آغاز تلاوتِ کلامِ پاک سے ہوا، جس کے بعد قومی ترانہ اور نعتِ رسولِ مقبول ﷺ پیش کی گئی۔ پروگرام میں مختلف علمی، تخلیقی اور دلچسپ سرگرمیوں کا اہتمام کیا گیا، جن میں لائیو پینٹنگ مقابلہ، اناٹومی ماڈل نمائش،ریسرچ پوسٹر کمپٹیشن، اناٹمی کوئز مقابلہ، اناٹمی سکٹس اور اناٹومی ٹیبل کی افتتاحی تقریب خصوصی طور پر شامل تھیں۔ ان سرگرمیوں کے ذریعے طلبہ کو اپنی صلاحیتوں کے اظہار کے ساتھ ساتھ اناٹومی کے علم کو عملی اور تخلیقی انداز میں پیش کرنے کا موقع ملا۔

تقریب کے مختلف سیشنز صبح کے اوقات میں منعقد ہوئے، جبکہ شام کی مرکزی تقریبات کالج گراؤنڈ میں منعقد کی گئیں۔ اس موقع پر اناٹومی ایسوسی ایشن آف پاکستان کے صدر پروفیسر ڈاکٹر سہیل صاحب نے بطور مہمانِ خصوصی شرکت کی اور خصوصی طور پر لاہور سے تشریف لائے۔ تقریب کے دیگر معزز مہمانوں میں پروفیسر ڈاکٹر ادریس انور اور پروفیسر ڈاکٹر عائشہ شامل تھے، جو اسلام آباد سے تشریف لائے۔

معزز مہمانوں نے اپنے خطابات میں ورلڈ اناٹومی ڈے کی اہمیت، طبی تعلیم میں اناٹومی کے بنیادی کردار اور مستقبل کے معالجین کی پیشہ ورانہ تربیت میں اس مضمون کی افادیت پر روشنی ڈالی۔ انہوں نے اس امر پر زور دیا کہ اناٹومی طب کے علم کی بنیاد ہے اور انسانی جسم کی ساخت و افعال کو سمجھنے کے لیے اس مضمون پر مضبوط دسترس ناگزیر ہے۔ ان کے علمی اور فکر انگیز خطابات کو شرکاء نے بے حد سراہا۔

اس شاندار تقریب میں کالج کے تمام بنیادی اور کلینیکل شعبہ جات کے سربراہان اور فیکلٹی ممبران نے بھرپور شرکت کی۔ تقریب نے نہ صرف طلبہ کے علمی ذوق، تخلیقی صلاحیتوں اور ٹیم ورک کو اجاگر کیا بلکہ بنیادی اور کلینیکل علوم کے درمیان علمی ہم آہنگی کو فروغ دینے میں بھی اہم کردار ادا کیا۔

پرنسپل پروفیسر ڈاکٹر سلیم لغاری نے اس کامیاب انعقاد پر شعبۂ اناٹومی کی سربراہ ڈاکٹر سولماز مسعود، ان کی ٹیم اور تمام طلبہ کی کاوشوں کو سراہا۔ انہوں نے بالخصوص طلبہ کی محنت، نظم و ضبط، تخلیقی صلاحیتوں اور جوش و جذبے کو قابلِ تحسین قرار دیا۔

یہ تقریب شیخ زاید میڈیکل کالج کی علمی، تحقیقی اور ہم نصابی سرگرمیوں کے فروغ کے عزم کی ایک خوبصورت عکاس تھی۔ ورلڈ اناٹومی ڈے کے موقع پر منعقد ہونے والی یہ شاندار کانفرنس طلبہ اور اساتذہ کے لیے ایک یادگار علمی و تعلیمی تجربہ ثابت ہوئی۔

4.11.2026 Visit to the Burn unit sheikh Zayed hospital Rahim yar khan along with MS SZH,, institutional committee and C&W engineers. Good pace of work,

4.11.2026 Visit the emergency department, plastic surgery/burn unit and nephrology department along with MS SZH and AMSs, checked the attendance, all the staff present according

*Inauguration of 8 New Dialysis Machines at Sheikh Zayed Hospital, Rahim Yar Khan* Sheikh Zayed Hospital, Rahim Yar Khan, has received 8 new dialysis machines