The SZMC Opens its Doors

Sheikh Zayed Medical College/Hospital Rahim Yar Khan

1 week 31 minutes ago

شیخ زید میڈیکل کالج رحیم یار خان کا اعزاز
شیخ زید میڈیکل کالج رحیم یار خان نے یو ایچ ایس کے فورتھ پروفیشنل ایم بی بی ایس کے سالانہ امتحان میں 96.6 فیصد شاندار نتائج کے ساتھ ایک بار پھر پورے پنجاب میں پہلی پوزیشن حاصل کر کے ادارے کا نام روشن کیا۔
اس امتحان میں سید معیز الحق بخاری نے فورتھ پروفیشنل ایم بی بی ایس میں UHS میں پہلی پوزیشن حاصل کی۔ یہ ان کی مسلسل غیر معمولی تعلیمی کارکردگی کا تسلسل ہے، کیونکہ انہوں نے
2023ء میں فرسٹ پروفیشنل ایم بی بی ایس،
2024ء میں سیکنڈ پروفیشنل ایم بی بی ایس،
2025ء میں تھرڈ پروفیشنل ایم بی بی ایس
میں بھی یو ایچ ایس میں پہلی پوزیشن حاصل کی تھی۔
یہ شاندار کامیابی شیخ زید میڈیکل کالج رحیم یار خان کی مضبوط تعلیمی روایت اور بالخصوص پرنسپل شیخ زید میڈیکل کالج پروفیسر ڈاکٹر محمد سلیم لغاری کی دوراندیش اور مؤثر اکیڈمک نگرانی کا واضح ثبوت ہے، جن کی قیادت میں ادارہ مسلسل تعلیمی میدان میں نمایاں کامیابیاں سمیٹ رہا ہے۔

Sheikh Zayed Medical College/Hospital Rahim Yar Khan

1 week 1 hour ago

3.2.26
آج شیخ زاید میڈیکل کالج و ہسپتال، رحیم یار خان میں پرنسپل پروفیسر ڈاکٹر محمد سلیم کی زیرِ نگرانی نئے داخل ہونے والے فرسٹ ایئر ایم بی
بی ایس طلبہ کے اعزاز میں ایک شاندار پروقار وائٹ کوٹ تقریب کا انعقاد کیا گیا، جس نے تعلیمی و طبی حلقوں میں خصوصی توجہ حاصل کی۔ یہ تقریب طب کے شعبے میں داخل ہونے والے طلبہ کے لیے ایک اہم سنگِ میل کی حیثیت رکھتی ہے، جہاں انہیں باضابطہ طور پر پیشہ ورانہ ذمہ داریوں کے سفر کا آغاز کروایا جاتا ہے۔

تقریب میں ڈپٹی کمشنر رحیم یار خان جناب ظہیر انور جپہ نے بطور چیف گیسٹ شرکت کی، جبکہ چیئرمین بورڈ آف مینجمنٹ جناب اقبال حفیظ، ممبران بورڈ آف مینجمنٹ جناب محمد عمر جعفر، پروفیسر ڈاکٹر ظہر مصطفی اور ملک ساجد فیروز بطور مہمانانِ خصوصی شریک ہوئے۔ اس موقع پر کالج کی انتظامیہ، سینئر فیکلٹی ممبران، معزز اساتذہ، طلبہ اور ان کے والدین کی بڑی تعداد بھی موجود تھی، جس سے تقریب کی اہمیت اور وقار میں مزید اضافہ ہوا۔

تقریب کا آغاز تلاوتِ کلامِ پاک سے کیا گیا، جس کے بعد پرنسپل پروفیسر ڈاکٹر محمد سلیم نے اپنے خطاب میں نئے طلبہ کو خوش آمدید کہتے ہوئے کہا کہ وائٹ کوٹ تقریب صرف ایک رسمی تقریب نہیں بلکہ ایک عہد اور ذمہ داری کا اعلان ہے۔ انہوں نے طلبہ پر زور دیا کہ وہ علم، تحقیق، اخلاقیات اور خدمتِ انسانیت کو اپنا شعار بنائیں اور مریضوں کے اعتماد کو ہمیشہ مقدم رکھیں۔

مہمانانِ خصوصی نے نئے طلبہ کو سفید کوٹ پہناتے ہوئے انہیں طب جیسے مقدس اور باوقار پیشے میں قدم رکھنے پر مبارکباد دی اور نیک تمناؤں کا اظہار کیا۔ مقررین نے کہا کہ وائٹ کوٹ خدمتِ انسانیت، دیانتداری، پیشہ ورانہ مہارت، نظم و ضبط اور اخلاقی اقدار کی علامت ہے۔ انہوں نے اس بات پر زور دیا کہ ایک معالج کا کردار صرف علاج تک محدود نہیں بلکہ وہ معاشرے میں امید، ہمدردی اور رہنمائی کا استعارہ بھی ہوتا ہے۔

تقریب کے دوران طلبہ نے پیشہ ورانہ حلف بھی اٹھایا اور عہد کیا کہ وہ اپنی ذمہ داریاں ایمانداری، لگن اور اعلیٰ اخلاقی معیار کے ساتھ انجام دیں گے۔ اس موقع پر کالج کی تعلیمی کارکردگی، جدید تدریسی سہولیات اور مریضوں کو فراہم کی جانے والی معیاری طبی خدمات پر بھی روشنی ڈالی گئی۔

تقریب کے اختتام پر طلبہ اور ان کے والدین نے انتظامیہ کی جانب سے منعقد کیے گئے اس یادگار اور بامقصد پروگرام کو سراہا اور اسے مستقبل کے معالجین کے لیے ایک حوصلہ افزا اور قابلِ فخر آغاز قرار دیا۔ وائٹ کوٹ تقریب نہ صرف نئے تعلیمی سفر کی علامت بنی بلکہ خدمتِ انسانیت کے عزم کی تجدید کا پیغام بھی دے گئی۔