The SZMC Opens its Doors

پرنسپل شیخ زید میڈیکل کالج و ہسپتال، پروفیسر ڈاکٹر محمد سلیم لغاری نے اتوار کے روز تعطیل کے باوجود ہسپتال کے ایمرجنسی ڈیپارٹمنٹ کا اچانک دورہ کر کے مریضوں کو فراہم کی جانے والی سہولیات اور عملے کی کارکردگی کا تفصیلی جائزہ لیا۔دورے کے دوران ڈاکٹرز اور پیرامیڈیکل اسٹاف کی حاضری رجسٹرز چیک کیے گئے، جبکہ ایمرجنسی وارڈ، فارمیسی اور دیگر شعبہ جات میں صفائی و ستھرائی کی صورتحال کا باریک بینی سے معائنہ کیا گیا۔ انہوں نے صفائی کے معیار کو مزید بہتر بنانے کی سخت ہدایات جاری کرتے ہوئے واضح کیا کہ مریضوں کو صاف ستھرا اور صحت افزا ماحول فراہم کرنا اولین ترجیح ہونی چاہیے۔ڈاکٹر محمد سلیم لغاری نے مریضوں سے براہ راست گفتگو کر کے ان کے علاج، دستیاب سہولیات اور ادویات کی فراہمی کے حوالے سے فیڈبیک حاصل کیا۔ اس موقع پر انہوں نے موقع پر موجود عملے کو سختی سے ہدایت کی کہ کسی بھی مریض کو باہر کی دوا تجویز نہ کی جائے، کیونکہ تمام ضروری ادویات ہسپتال میں مفت فراہم کی جا رہی ہیں۔ انہوں نے واضح کیا کہ وزیر اعلیٰ پنجاب محترمہ مریم نواز شریف کی جانب سے اس حوالے سے سخت احکامات موصول ہوئے ہیں، اور جو بھی ڈاکٹر اس کی خلاف ورزی کرے گا اس کے خلاف فوری تادیبی کارروائی کی جائے گی۔فارمیسی کے معائنہ کے دوران پرنسپل نے اس بات کو یقینی بنانے کی ہدایت کی کہ تمام ادویات ہر وقت دستیاب رہیں تاکہ مریضوں کو کسی قسم کی دشواری کا سامنا نہ ہو۔ علاوہ ازیں، جاری ترقیاتی منصوبوں خصوصاً آپریشن تھیٹرز کی مرمت و توسیع کے کام کی جلد تکمیل کے احکامات بھی جاری کیے گئے۔مزید برآں، انہوں نے ہارٹیکلچر انچارج کو پودوں کی مناسب تراش خراش اور ہسپتال کے احاطے میں زیادہ سے زیادہ درخت لگانے کی ہدایت کرتے ہوئے کہا کہ صاف ستھرا اور سرسبز ماحول مریضوں کی جلد صحتیابی میں معاون ثابت ہوتا ہے۔ڈاکٹر سلیم لغاری کے اس غیر متوقع دورے کو مریضوں اور ان کے لواحقین نے سراہا اور اسے ایک مثبت قدم قرار دیا۔ اس طرح کے دورے نہ صرف عملے کی کارکردگی کو بہتر بناتے ہیں بلکہ ہسپتال میں دی جانے والی سہولیات کے معیار کو بھی بلند کرتے ہیں۔اس موقع پر ایڈیشنل ایم ایس ڈاکٹرعمران بشیر، ڈی ایم ایس جنرل ڈاکٹررانا الیاس احمد، ڈاکٹرامتیازاحمدلودھی، نرسنگ سپرنٹینڈنٹ میڈم شفقت پروین، ایگزیکٹو انجینئر ضیغم عباس, پی اے عرفان علی ودیگر موجودتھے۔

شیخ زید میڈیکل کالج رحیم یارخان ایک اور اعزاز اپنے نام پنجاب بھر میں پہلی اور دوسری پوزیشن اپنے نام*

پنجاب بھر میں شیخ زید میڈیکل کالج رحیم یار خان آپریشن تھیٹر ٹیکنالوجی سال دوم کی طالبات پہلی پوزیشن مدیحہ اظہر اور دوسری پوزیشنز عائشہ نثار نے حاصل کی۔

پرنسپل پروفیسر ڈاکٹر محمد سلیم نے کہا ایچ ایچ شیخ خلیفہ الائیڈ انسٹٹیوٹ آف ہیلتھ سائنسز شیخ زید میڈیکل کالج آپریشن تھیٹر ٹیکنالوجی میں سیکنڈ ائیر کی طالبات نے پنجاب بھر میں پہلی اور دوسری پوزیشنز حاصل کر کے اپنے ادارے کا نام روشن کیا۔ اس سے پہلے بھی شیخ زید میڈیکل کالج رحیم یار خان کے طلبہ نے پچھلے تین سالوں میں پنجاب بھر میں مسلسل پوزیشنز حاصل کیں ہیں۔

اس موقع پر پرنسپل پروفیسر ڈاکٹر محمد سلیم نے کہا کہ شیخ زید میڈیکل کالج رحیم یار خان کے طلبہ بہت محنتی ہیں، لگن ذوق شوق سے تعلیم حاصل کر رہے ہیں، انہوں نے پوزیشن ہولڈرز سٹوڈنٹس اور تمام فیکلٹی کو مبارکباد دی اور طلبہ کو اس بات کی تائید کی کہ اپ نے ایک اچھا انسان بننا ہے جو موجودہ تعلیم، موجودہ جدید ٹیکنالوجی سے واقف ہو۔ جو ایمانداری اور دیانت داری کے ساتھ کام کرے۔
پرنسپل پروفیسر ڈاکٹر محمد سلیم نے پروگرام ڈائریکٹر پروفیسر ڈاکٹر مظہر رفیع ایچ ایچ شیخ خلیفہ انسٹیٹیوٹ آف الائیڈ ہیلتھ کئیر سینٹر ،
انچارج ڈاکٹر شہزاد اسلم، ایچ ایچ شیخ خلیفہ انسٹیٹیوٹ آف الائیڈ ہیلتھ کئیر سینٹر اور تمام فیکلٹی ممبرز کی خدمات کو سراہا انہوں نے کہا کہ ہماری فیکلٹی کی ادارے کے لئے خدمات اور قابلیت کا منہ بولتا ثبوت ہے کہ ہمارے سٹوڈنٹس یونیورسٹی آف ہیلتھ سائنسز پنجاب میں ٹاپ پوزیشنز حاصل کر رہے ہیں۔ اللہ تعالیٰ ہمیشہ شیخ زید میڈیکل کالج رحیم یار خان کو پھلتا پھولتا رکھے آمین ۔۔۔

Alhumdulliah Sheikh Zayed medical college Rahim yar khan. 100% result with first and 2nd position in UHS examination of OTT 2nd professional examination. Proud of